Kryeqyteti i Hungarisë, Budapesti është ndër vendet që po merren në konsideratë për një takim të mundshëm midis Putinit dhe Zelenskyt, raporton CBS News.

Një burim me njohuri mbi planifikimin i tha CBS se Hungaria ka “shprehur gatishmërinë e saj për të pritur bisedimet”, së bashku me një numër të vogël vendesh të tjera.

CBS raporton gjithashtu se në telefonatën e tij me Trump, Putin pranoi të merrte pjesë në një takim me Zelenskyn, transmeton Klankosova.tv

I pyetur nëse SHBA-të mund të organizonin një takim të tillë, burimi i tha CBS se kjo ishte gjithmonë një mundësi, por nuk ishte nën shqyrtim serioz në këtë kohë.

Në vitin 1994, Budapesti ishte vendi ku Ukraina pranoi të hiqte dorë nga armët e saj bërthamore të epokës sovjetike në këmbim të garancive të sigurisë nga Rusia, SHBA-ja, Mbretëria e Bashkuar dhe të tjerë.